Amparamus Monti Prama

Sa cultura nostra colat finas dae s'istòria, un'istòria antiga milli e milli annos, chi dae pagu tempus, gràtzias a s'iscoberta de sos Gigantes de Monti Prama, est torrende a iscrìere s'antighidade de su mediterràneu. Sos gherreris de arenària sunt torrados a sa lughe a pustis de èssere abarrados in su magasinu de sa subrintendèntzia pro 40 annos e como sa terra nd'est boghende a pìgiu àteros.

Sas chircas in Monti Prama si sunt firmadas in antis de sas festas e ant a torrare a cumintzare a pustis de sos tres res (6 de Ghennàrgiu 2015). In su mentres su giassu est abarradu chene èssere tentadu dae nemos, faghende a manera chi siddadàrgios, o chie si siat, potzat intrare a furare e a fàghere dannos.
Belle e gasi b'at sardos chi ant unu coro e una cussèntzia manna. Paritzos voluntàrios agiuados finas dae sa comunidade de Nurnet, ant leadu coràgiu e si sunt postos a fàghere sos turnos, die e note, faghende cumpangia a sos gigantes galu interrados e faghende de bàrdia a su logu. Un'òpera de amore pro sa terra issoro.

S'assòtziu Su Majolu lis torrat gràtzias e cumbidat totu sos tzitadinos sardos a fàghere su matessi.
Una paja de sos rapresentantes nostros ant a èssere in ie su note de su 3 de Ghennàrgiu.


Amparamus s'istòria nostra
Amparamus Monti Prama

Assòtziu Su Majolu

Sighi a lèghere

Sìntesi de sas atividades de su 2014

Est istadu un'annu càrrigu de initziativas e partetzipatziones cussu chi nch'est colende. S'assòtziu Su Majolu est crèschidu meda e dae parte de sos sustenidores, est crèschidu finas s'interessu pro sa limba sarda e pro sas temàticas sotziales chi amus giutu a in antis. Sas atividades nostras, in sos annos colados, las amus fatas mescamente in s'ambiente universitàriu, ordingende cursos o faghende orientamentu a sos istudiantes de sas iscolas superiores. Cada annu, s'Universidade de Tàtari impare a sos assòtzios, retzit sos istudiantes pro lis ammustrare s'oferta formativa e pro los pònnere in sa carrera de sa carriera universitària. 

In su mese de Martzu de ocannu b'at istadu bator dies de orientamentu, nos aiat fatu praghere a èssere presentes, ma s'ateneu tataresu non nos at cumbidadu. Forsis timiant chi aeremus pòdidu collire àteras 700 firmas, comente amus fatu in su 2013, cando prus de 700 pitzocos de s'ùrtima classe de sas iscolas superiores si sunt mustrados a favore de sa proposta nostra de pònnere unu esame de limba sarda in cada cursu de làurea de s'Universidade de Tàtari. In sos assòtzios chi ant leadu parte a s'orientamentu de su 2014 mancaìamus petzi nois, ma non mancaiant esèrtzitu, finàntzia, politzia e carabineris, chi, ritenimus chi in intro de s'universidade, a promòvere s'arruolamentu non bi fatzant nudda.

In su matessi tempus sighit a in antis sa collaboratzione cun SCIDA de Casteddu. In preparatzione b'est su nùmeru de bator de “Ischida”.

In su mese de Làmpadas amus promòvidu s'assòtziu in un'initziativa fata dae sa comuna de Tàtari, chi at mutidu impare totu sos assòtzios de sa tzitade, est istada un'ocasione manna pro nos fàghere a connoschere.

Su mese in fatu amus leadu parte a su Sit-In contra a sas esertzitatziones israelianos in sa base de Deximumannu. Non podimus permitere chi sas aeras de s'ìsula nostra bèngiant impreadas dae chie impreat sa fortza e sa violèntzia contra a sos pòpulos opressos. Sa solidariedade nostra est pro su pòpulu palestinesu. Pagu tempus prus a tardu sa matessi pelea contra a cada forma de gherra l'amus giuta a in antis manifestende sa solidariedade nostra pro su pòpulu curdu, chi a sa sola, fiat cumbatende contra a sos butzinos de s'IS (s'Istadu Islàmicu).

Non podìamus mancare a sa manifestatzione de Cabu Frasca pro pedire chi totu sos polìgonos e sas bases militares bèngiant serradas. Sos giòvanos sardos sunt custrintos a tucare a fora dae Sardigna pro atzapare unu traballu e in su matessi tempus s'ispesa militare pigat semper de prus a befe issoro.

In sos ùrtimos meses amus leadu parte a sa festa de sa limba ufitziale in Sèdilo, organizada dae su CSU. Pensamus chi su movimentu linguìsticu depat galu crèschere e si depat arraighinare in su territòriu de sa natzione sarda, faghende atividades in totu sas comunas impare a sos assòtzios.

In su mese de Santandria/Onniasantu, in Macumere, amus fatu partire su cursu “Su Sardu est in su Coro”, cun sa collaboratzione de “Valèria Tola – Tzeràmicas”. Sa partetzipatzione est istada manna e s'entusiasmu de sos dischentes lis at permìtidu de imparare cosas meda in pagu tempus, custu fintzas gràtzias a sa preparatzione de su maistru (operadore linguìsticu) Austinu Sanna.

S'assòtziu AZIRU su 28 de su matessi mese at organizadu unu Sit-In pro pedire chi de torrare a finantziare sos cursos de sardu in sas iscolas, chi pro s'annualidade 2014-2015, sunt istados segados dae sa giunta de Frantziscu Pìgliaru. Pensamus chi su sardu, pro torrare a èssere sa limba printzipale de totu sos sardos, depat èssere insingiada in sas iscolas de cada òrdine e gradu.

In su mese de Nadale/Idas amus sustènnidu deretu sa proposta de paritzos pitzocos sardos, de àere s'interfàtzia de Facebook fintzas in sardu, lompende a 15.000 persones chi sustenent s'initziativa in 15 dies ebbia. Su progetu est sighende a andare a in antis, prus semus e mègius est!

Pensamus chi pro intèndere normale una limba, custa depet fàghere parte de sos trastes de comunicatzione prus mannos, duncas depet èssere presente fintzas in sa retza sotziale prus manna de su mundu.

Sas atividades ant sighidu cun sa partetzipatzione a sa Cunferèntzia Annuale de sa Limba Sarda in Casteddu e cun sa manifestatzione contra a sos polìgonos de su 13 de Nadale/Idas.

Dae pagas dies amus cumintzadu sa campagna de tesseramentu pro s'annu 2015, a manera chi totu sos chi nos sustenent potzant essere parte ativa e potzant retzire totu sas novas de sas initziativas nostras, ma a su matessi tempus est una manera pro nos auto-finantziare e sighire gasi sas atividades pro s'amparu e sa valorizatzione de sa limba e de sa cultura sarda, chene ismentigare sas chistiones sotziales.

Assòtziu Su Majolu

Sighi a lèghere

Manifestatzione contra a polìgonos e bases militares

S'assòtziu Su Majolu at a èssere presente in sa manifestatzione natzionale contra a s'ocupatzione militare chi at a èssere su 13 de Nadale/Idas in Casteddu, gasi comente fìamus presentes in sa de Capo Frasca in pare a sa gente nostra.
Sa Sardigna est tzeraca de sas polìticas imperialistas e militaristas chi abbelenant su logu e impedint s'isvilupu sotzio-econòmicu de su pòpulu sardu.
Si cherent fraigare unu cras chi non siat fatu de misèria e disterru, sos sardos depent bìnchere custa gherra, e petzi sa mobilitatzione unitària de unu pòpulu intreu podet custrìnghere s'istadu a nos liberare dae su pesu de sas bases e de sas esercitatziones de gherra.
Andamus a manifestare totu paris su 13 de Nadale pro nàrrere "A foras sas bases militares!"





Assòtziu Su Majolu

Sighi a lèghere

Su sardu est in su coro

Cursu de limba sarda

Dae su 7 de Santandria de su 2014 at a cumintzare unu cursu de sardu pro imparare sas regulas printzipales de sa limba sarda.

Su cursu est partzidu in 6 letziones de un'ora e mesa cadauna.

Sas letziones ant a èssere cada Chenàbura a sas 19:30 in Macumere in Cursu de Umberto I n°64.

Sas letziones ant a èssere fatas dae Agostino Sanna (Operadore Linguìsticu)

S'iscritzione a su cursu est de 5€

Pro bo iscrìere mutide unu de custos nùmeros: 3479221197 - 3403555054 o si nono andade in Cursu de Umberto n°64.

Movide·bos ca sos postos sunt pagos!

Eventu organizadu dae s'Assòtziu Su Majolu e Valèria Tola CERAMICHE.

assotziusumajolu.blogspot.it
sumajolu@yahoo.com
valeriatolaceramiche@gmail.com


Assòtziu Su Majolu

Sighi a lèghere

Cale sardu?...Cale inglesu?

de Càralu Manca

Mi sorge una grande domanda. Io ho studiato l'inglese a scuola dalla terza elementare alla quinta superiore. Ma prima di insegnarmelo nella mia scuola pubblica dello Stato italiano, si saranno mai messi la domanda: "Quale inglese?". No, raga, io sono preoccupato...

Ma ho una soluzione: bloccate tutto l'insegnamento di tutte le scuole pubbliche, e non fate arrivare lo stipendio a nessun insegnante d'inglese finché prima non verranno date le risposte a tutte queste domande:

- esiste l'inglese?
- si capiscono fra di loro le persone che parlano l'inglese?
- inglese d'Inghilterra o inglese degli Stati Uniti d'America?
- cosa conviene imparare?
- di quale zona d'Inghilterra è il vero Inglese?
- quale zona degli Stati Uniti è da considerare inefficiente ai fini dell'insegnamento del proprio accento?
- è più importante insegnare l'accento più conservatore tipo Cambridge ed Oxford, oppure è meglio cercare di acquisire un accento che somigli a quello newyorkese?
- è bene insegnare solamente l'accento più conservatore?
- è meglio imparare l'inglese americano, ché così si parla con più gente?
- l'accento australiano è inglese?
- l'accento australiano è ammesso?
- ci possono essere insegnanti dall'accento scozzese?
- ci possono essere insegnanti dall'accento irlandese?
- ci possono essere insegnanti dall'accento gallese?
- perché il gaelico non è considerato inglese?
- perché si deve discriminare il dialetto gaelico e non insegnarlo sotto la dicitura "inglese"?


Bisogna vedere quale è la lingua inglese! Londinese, dublinese, mancunian, gaelico, neozelandese, cockney... il vero è che noi Sard... ehm... gli inglesi non si capiscono a vicenda!
E inoltre, il quesito deve rimanere aperto finché non avranno commentato tutti gli utenti italiani che hanno accesso alla rete, perché non è carino lasciar fuori dalla discussione le opinioni anche di chi non ha la minima idea dell'argomento su cui vuole opinare, e sia ben chiaro che tutti i genitori che non ritengano giusta la decisione della rete riguardo tutta questa serie di risposte che influenzeranno le linee guida dell'istruzione pubblica, possono categoricamente sollevarsi e smettere di far seguire ai propri figli le lezioni di inglese a scuola. In effetti, non è giusto che i loro figli abbiano un'insegnante scozzese, o un'insegnante madrelingua italiana che si sia appiccicata l'accento di Vancouver.

E secondo me, come soluzione funziona: prendendo per esempio quella con oggetto il sardo, se ne sta traendo soltanto beneficio!

Sighi a lèghere

Cun sa resistèntzia de Kobane

Tra Sìria, Iraq, Turchia, Armènia e Iran b'at unu pòpulu chi belle e a sa sola est firmende sos atacos de s'ISIS (Istadu Islàmicu). Unu pòpulu chi pro medas no esistit nemmancu e chi pro unu muntone de annos suportat e sighit a suportare sa repressione de sos istados numenados in antis.
Sunt sos curdos, òmines e fèminas calados a campu pro difèndere sa natzione issoro, ma lassados a sa sola. Kobane est una tzitade in sa làcana tra Sìria e Turchia e est inghiriada dae sos militzianos de su grupu jihadista. Non s'ischit cantu at a durare sa resistèntzia de sos curdos in custa batalla in ue est ladina sa diferèntzia tra sas fortzas.


Viva sa resistèntzia de Kobane
Viva su pòpulu curdu

Assòtziu Su Majolu

Sighi a lèghere

Contra a chie cheret iscontzare

Mai comente in custos meses b’at istadu mudìmene in sos progetos linguìsticos de sa regione. Semus timende chi sa giunta regionale iscontzet totu su traballu de custos annos pro sa limba sarda. Su fatu de èssere lòmpidos (in su 2006) a un’istandard isperimentale est istadu su resurtadu prus mannu chi nos permitit de impreare sa norma iscrita in totu su territòriu natzionale sardu.

Sas promissas de sos chi ant bìnchidu s’atzapant in 7 rias de su programma eletorale issoro: “Cominciamo il domani significa dare centralità alla nostra identità e quindi affrontare il tema della lingua sarda che non si riflette in sterili slogan e dubbie politiche ma trova coraggio e sostanza nel riconoscimento di un bilinguismo reale in ossequio alla politica dell’UE nei confronti delle lingue regionali in attuazione dell’articolo 22 della Carta europea dei diritti fondamentali. In questo contesto la promozione della lingua sarda nelle sue varianti linguistiche non è soltanto una questione di identità, di rispetto della storia e delle tradizioni culturali della Sardegna, ma apre prospettive di sviluppo nel campo della scuola, del lavoro e della rappresentanza politica”.

Non si faeddat de istandard, non si faeddat de comente giughere a in antis sas polìticas linguìsticas. Est ladinu a totus chi unu pianu pro su bilinguismu su presidente Pìgliaru non bi l’at e non l’at tentu mai, comente non l’ant tentu mai sas duas universidades italianas chi bi sunt in Sardigna (Casteddu e Tàtari). Duncas est de importu mannu su fatu de non pèrdere sos pagos deretos chi sa limba cosa nostra at otènnidu fintzas a dies de oe. In custu momentu de dificultade b’at bisòngiu de unidade in su movimentu linguìsticu faghende·lu devènnere semper prus mannu a manera chi potzat abratzare semper prus gente.

Tocat de pònnere a banda sos personalismos e sos chertos chi podent èssere nàschidos dae una dialètica isballiada e pro sèberos o esigèntzias chi non andant bene a un’ala geogràfica prus a prestu chi a un’àtera. Chistionende cun medas persones nos semus abbigiados chi b’at una confusione manna in cussu chi pertocat s’istandard ortogràficu.

Sa pregunta prus fitiana chi lompet dae s’opinione pùblica est “ma cale sardu?”, chene cumprèndere chi sa norma est pro s’impreu iscritu e non pro sa forma orale. Subra de custu puntu tocat de bi traballare meda, ca in paritzos pensant chi s’istandard at a andare a iscantzellare sas variantes dialetales de sas biddas, ma gasi no est; podet petzi fàghere de amparu a custos limbàgios, chi, pensamus, potzant èssere impreados a livellu locale (comunale) semper cun su rispetu de s’ortografia.

Creimus chi su movimentu linguìsticu si potzat galu istèrrere in totu su territòriu de sa natzione sarda cun progetos de collaboratzione, impare a sos assòtzios chi faghent atividade de promotzione e amparu de sa limba sarda. In custa manera at a pòdere crèschere sa cussèntzia linguìstica de su pòpulu nostru e cun issa sa dinnidade de sa limba nostra.

Pensamus chi siat de importu pesare una mobilitatzione, ponende in pare totu sas realtades chi cherent su bilinguismu e nos ponimus a disponimentu pro agiudare a la fàghere.

Assòtziu Su Majolu

Sighi a lèghere

Su Majolu in Capofrasca contra s'invasione militare

Nos semus semper impinnados in s'amparu de sa cultura e de sas richesas de s'Ìsula nostra, sas matessi chi como sunt cumpromìtidas dae un'invasione militare chi est lassende mortos e incuinamentu.

Non podimus prus suportare chi sa Sardigna bèngiat impreada pro allenamentos de gherra chi dant su comintzu a massacros de milli e milli persones.

Non suportamus, chi, cun sa complitzidade de sas istitutziones, si potzat pensare chi custas iscolas de gherra bèngiant propostas comente fontes de isvilupu econòmicu.

Custu sistema est ponende in sa conca de sos giòvanos nostros, chi pro àere unu traballu sèberant cussu caminu, ideas ultra-natzionalistas e ratzistas chi afòrtigant su mitu farsu de su sordadu chi giughet sa paghe peri su mundu.

Pensamus chi petzi s'echilìbriu giustu tra sustenibilidade ambientale, ètica e bisòngios reales de sa terra nostra, nos potzat permìtere un'isvilupu sanu in una terra de paghe.

Pro custos e pro àteros motivos s'Assòtziu Su Majolu aderit a sa manifestatzione de su 13 de Cabudanni in Capofrasca.

Assòtziu Su Majolu

Sighi a lèghere

Vota Scida: Eletziones Universitàrias 2014

SRD

Su 2 e su 3 de Abrile in s'Universidade de Casteddu b'ant a èssere sas eletziones pro su rinnovu de sos rapresentantes de sos istudiantes in su Senadu Acadèmicu, in su Cussìgiu de Amministratzione de s'Ateneu, in su Comitadu Isportivu Universitàriu (CUS), in sos Cussìgios de Facultade e in sos Cussìgios de sos Cursos de Istùdiu.
Sas mancàntzias istruturales e mescamente culturales de sas universidades sardas tzèrriant cun urgèntzia sos istudiantes a formulare propostas chi siant sinèrgicas cun sos bisòngios de su territòriu e de sa Sardigna intrea.
Pro custu motivu s'Assotziu Su Majolu sustenet sa candidadura de su comitadu Scida a sas eletziones de su 2 e 3 de Abrile.

Vota Scida
http://scida.altervista.org/votascida-po-suniversidadi-sarda/



ITA

Il 2 e il 3 di Aprile nell'Università degli Studi di cagliari ci saranno le elezioni per il rinnovo dei rappresentanti degli studenti nel Senato Accademico, nel Consiglio di Amministrazione dell'Ateneo, nel Comitato Universitario Sportivo, nei Consigli di Facoltà e nei Consigli dei Corsi di Studio.
Le carenze strutturali e soprattutto culturali che accusano le università della Sardegna richiamano gli studenti a formulare proposte che si trovino in sinergia con il territorio circostante e con tutta la Sardegna.
Per questa ragione l'Associazione Su Majolu appoggia la candidatura del comitato Scida per le elezioni del 2 e 3 Aprile.

Vota Scida
http://scida.altervista.org/votascida-po-suniversidadi-sarda/

Assòtziu Su Majolu

Sighi a lèghere

Assemblea de s'Assòtziu Su Majolu

Martis 18 de Martzu de su 2014 a sas 15:30 s'Assòtziu Su Majolu faghet un'assemblea aberta a totus, pro arresonare de sas initziativas in programma pro s'annu acadèmicu 2014-2015. 
Nos semus torrende a organizare pro giùghere a in antis sa pelea de sos istudiantes sardos, pro fraigare un'Universidade pensada pro sos bisòngios e pro s'isvilupu econòmicu, sotziale e culturale de sa Sardigna. Totu sos giòvanos e sos istudiantes sunt invitados a bènnere a s'addòbiu.
Nos atzapades in su pranu de terra de su Dipartimentu de Istòria (ex Lìteras) in Carrera de Zanfarino.Pro informatziones mutide a sos nùmeros 3389907774 - 3479221197

Sighi a lèghere