Premissa:
S'assòtziu Su Majolu no at iscritu mai nudda in italianu, ma petzi
pro custa borta amus detzisu de nche pònnere fintzas una tradutzione
chi potzant cumprèndere totu is persones interessadas. Bene diant
fàghere a lèghere custu documentu fintzas is chi narant de àere
s'handicap de non cumprèndere custa limba, chi est faeddada dae una
parte manna de is sardos.
Comente
semus publitzizende dae carchi die, su 22 de Santugaine de su 2015 in
su Dipartimentu de carrera de Zanfarino b'at a èssere una
cunferèntzia de archeologia in limba sarda organizada dae s'Assòtziu
Su Majolu pro is istudiantes de s'Universidade de Tàtari. In is dies
coladas subra de custa initziativa b'ant ghetadu ludu comente non nos
ammentamus chi siat capitadu mai pro initziativas organizadas dae
un'assòtziu de s'Universidade nostra.
Comente
prima cosa depimus nàrrere chi, nessi pro su chi nd'ischimus, custas
crìticas non nos sunt pròidas dae professores o dae istudiantes de
s'Universidade, ma dae gente chi, sena connòschere nudda nudda de su
traballu chi giughimus a in antis dae annos, at infamadu
un'initziativa nostra in is retes sotziales e in unu blog.
Su
Majolu est un'assòtziu de istudiantes abertu a totus, chi est
traballende dae annos in intro de s'Universidade de Tàtari, pro
agiuare sa difusione de sa limba sarda e pro nche ismanniare
s'impreu suo in totu is àmbitos formales e informales e in totu is
matèrias de istùdiu. Amus organizadu paritzas initziativas in
sardu pro faeddare de argumentos culturales, sotziales, ambientales,
econòmicos e polìticos chi pertocant sa sotziedade nostra Sa prima
est istada sa cunferèntzia de su 2011 pro sustènnere su referendum
regionale contra su nucleare, cando is sardos ant naradu chi non
cheriant tzentrales nucleares e depòsitos de iscòrias in sa terra
issoro.
Is
crìticas chi amus lèghidu in custas dies sunt de cada casta.
Calicunu
critichende·nos, at iscritu chi sa
limba sarda non si podet impreare pro faeddare de archeologia
e de àteras matèrias de istùdiu: sena pònnere fatu a custa
polèmica, naramus petzi chi is istudiantes chi ant a sighire sa
cunferèntzia, ant a bìdere chi est fàula e chi in sardu, comente
in totu is limbas de su mundu, si podet faeddare de cale si siat
matèria. Pensamus chi siat ora de nche pònnere a banda totu is
ideas che a custas, in pare cun sa peus erèntzia de su fascismu e de
su sciovinismu linguìsticu italianu.
Imbetzes,
cherimus rispòndere a is chi ant chircadu de nos isvilire, ponende
in pare sa cunferèntzia nostra cun initziativas peudos-sientìficas
chi non b'intrant nudda. Su reladore no at a faeddare nen de teorias
fanta-archeològicas e nemmancu de mitos identitàrios, ma petzi de
unos cantos datos chi essint a pitzus dae is istùdios chi sa
sièntzia archeològica at giutu a in antis in Sardigna.
Non
si podet negare su raportu turmentadu chi is sardos ant cun su
passadu issoro, pagu connotu e semper chircadu, comente nos
ammustrant is fainas de falsificatzione istòrica de is ùrtimos
duos sèculos. Cumintzende dae su casu prus famadu de sas Cartas
de Arborea e su mitu populare de "s'istòria cuada" chi
esistit nessi dae s'800 in Sardigna (e chi comente paritzos mitos
podet tènnere unu fundamentu de veridade) ispartzinende·si peri in
is òperas de paritzos iscritores. Pro custas resones podimus
cumprèndere chi b'apat timoria chi s'istòria siat ammisturada cun
is fàulas, ma non nos paret una resone bona pro imbentare mostros e
pro nos infamare in sa rete.
Asseguramus
a totus chi Su Majolu no at organizadu mai peruna initziativa ponende
in pare sièntzia e fantasia, ca pensamus chi custas fainas no
agiuant s'emantzipatzione culturale e sotziale de is sardos ma pesant
petzi cunfusione, e ca a bisu nostru, s'auto-cussèntzia de su
pòpulu nostru non si podet fundare subra de unu passadu fatu de
mitos istòricos pagu prus o mancu imbentados.
Calicunu
at iscritu fintzas chi sa cunferèntzia est organizada dae àteros
assòtzios comente Nurnet e chi nois semus petzi unu presta nùmene
e chi semus buratinos de carchi àtera realidade pagu crara: podimus
assegurare a totus chi sa cunferèntzia chi amus a fàghere est
organizada dae s'assòtziu nostru ebbia. Nurnet in custa
initziativa non b'intrat nudda. Nemos de nois at mai leadu parte a
s'esperièntzia de s'assòtziu Nurnet e non connoschimus bastante
bene is fainas suas pro pòdere giuigare chi siant fatas dae persones
chi ant una preparatzione sientìfica adata.
Però
podimus nàrrere chi, si a una banda de su mundu sientìficu b'at
fenòmenos chi ant una grandu difusione, sa resone est chi in setores
mannos de sa sotziedade sarda b'est s'esigèntzia ogetiva de
connòschere mègius s'istòria e sa preistòria de custa terra:
unu bisòngiu chi forsis is istudiosos acadèmicos non sunt
resèssidos a soddisfare impreende is mèdios multimediales, gràficos
e linguìsticos prus dèghidos.
Bellegasi
b'at archeòlogos chi ant sa preparatzione e is tìtulos sientìficos
e chi sunt giughende a in antis unu bellu traballu de divulgatzione
pro rispòndere a custu bisòngiu: unu de custos archeòlogos est
Nicola Dessì, chi est su chi at a bènnere a faeddare in
limba sarda de sa Sardigna prenuràgica.
Su
diretore de su Dipartimentu de Istòria, Sièntzias de s'Òmine e
de sa Formatzione de s'Universidade de Tàtari (s'archeòlogu
Marco Milanese), in antis de autorizare custa cunferèntzia nos at
pedidu su currìculum sientìficu de s'archeòlogu. A pustis de
l'àere bidu, at giuigadu chi s'initziativa at su deretu de èssere
fata in intro de s'Universidade comente atividade auto-gestida de is
istudiantes e destinada a issos.
Inoghe
publicamus fintzas su currìculum de Dessì, preguntende·nos si is
limbas malas chi in is dies coladas ant ghetadu ludu subra de issu e
subra de nois, potzant bantare un'esperièntzia, un'impignu e una
preparatzione sientìfica che pare a sa sua. Forsis eja o forsis
nono, ma nois intendimus tropu su fragu de òdiu contra a s'impreu
de su sardu e bidimus tropu gente caratzada dae segus de sa
chistione de is tìtulos.
Calicunu
est arribadu fintzas a iscrìere chi s'Universidade no aiat dèvidu
gastare dinare pro una cunferèntzia che a sa chi semus organizende.
Fintzas custa est una calùnnia: non solu no amus pedidu mancu unu
francu pro custa cunferèntzia, ma in is ùrtimos duos annos amus
seberadu de non pedire is finantziamentos chi s'Universidade ponet a
disponimentu pro is atividades auto-gestidas de is istudiantes,
fintzas ca nos pariat lègiu a impreare cussu dinare cando, a bias,
s'ateneu turritanu non resesset a garantire nemmancu is servìtzios
mìnimos pro is istudiantes.
Duncas
is ispesas de totu is initziativas chi faghimus (pro custa borta
pagas deghinas de èuros) las pagant is sòtzios autofinantziende·si
e is sustenidores dende su contributu issoro, pro cantu custu potzat
èssere difìtzile pro un'assòtziu de istudiantes.
Duncas
serramus rinnovende s'invitu a totu is istudiantes de s'Universidade
a leare parte a sa cunferèntzia de su 22 de Santugaine a sas 10:45
de mangianu in s'àula Q e lassende a una banda is calunniadores a is
fainas tristas issoro.
Assòtziu
Su Majolu
Italianu.
Premessa:
L'associazione Su Majolu non ha mai scritto nulla in lingua italiana
ma, solo per questa volta, abbiamo deciso di pubblicare anche una
traduzione in italiano in modo che tutte le persone interessate
possano capire. Farebbero bene a leggere questo documento, anche
quelli che sostengono di avere l'handicap di non capire una lingua
parlata da una parte importante della popolazione della terra nella
quale vivono.
Come
stiamo pubblicizzando da alcuni giorni, il 22 ottobre 2015 presso il
Dipartimento di via Zanfarino si terrà una conferenza di archeologia
in lingua sarda organizzata dall'associazione Su Majolu per gli
studenti dell'Università di Sassari. Negli scorsi giorni su questa
iniziativa è stato gettato tanto di quel fango, come non ricordiamo
sia mai successo per iniziative organizzate da un'associazione della
nostra Università.
Come
prima cosa dobbiamo dire che, almeno per quanto ne sappiamo, queste
critiche non ci sono state rivolte da professori o studenti
dell'Università, ma da gente che, senza conoscere affatto il lavoro
che portiamo avanti da anni, si mette ad infamare una nostra
iniziativa su internet.
Su
Majolu è un'associazione studentesca che lavora da anni dentro
l'Università di Sassari, per sostenere la diffusione della lingua
sarda e promuovere il suo uso in tutti gli ambiti formali e
informali e in tutte le materie di studio. Abbiamo organizzato
parecchie iniziative in sardo per trattare argomenti culturali,
sociali, economici e politici che riguardano la nostra società, come
la conferenza del 2011 a sostegno del referendum regionale. Quando i
sardi hanno espresso la loro totale contrarietà alla realizzazione
nel proprio territorio di centrali nucleari e depositi di scorie.
Le
critiche che abbiamo letto in questi giorni sono di diversi tipi.
Alcuni
criticandoci hanno scritto che la lingua sarda non può essere usata
per parlare di archeologia e di altre materie di studio: senza dare
peso a questa polemica, diciamo solo che gli studenti che seguiranno
la conferenza, vedranno che questo non è vero e che in sardo,
come in tutte le lingue del mondo, si può parlare di qualunque
materia. Riteniamo che sia giunta l'ora che idee come quelle
siano definitivamente accantonate, insieme alla peggiore eredità del
fascismo e dello sciovinismo linguistico italiano.
Invece
vogliamo rispondere a coloro che ci hanno denigrato, accomunando la
nostra conferenza a iniziative pseudoscientifiche, con le quali non
ha nulla in comune. Il relatore non parlerà nè di teorie
fantarcheologiche e nemmeno di miti identitari, ma solo di alcuni
dati che emergono dagli studi che la scienza archeologica ha portato
avanti in Sardegna.
Non
si può negare il rapporto tormentato che i sardi hanno con il loro
passato, poco conosciuto e sempre ricercato, come ci mostrano gli
episodi di falsificazione storica degli ultimi due secoli, ad
iniziare dal più famoso delle Carte d'Arborea, e il mito popolare
della "storia nascosta" che esiste in Sardegna almeno
dall'800 (e che come diversi miti può avere un fondamento di verità)
diffondendosi nelle (e attraverso le) opere di parecchi scrittori.
Per questi motivi possiamo capire che ci sia il timore che la storia
venga mischiata con le mistificazioni, ma non ci sembra una buona
ragione per imbastire cacce alle streghe, inventare mostri e infamare
la gente su internet.
Assicuriamo
a tutti che Su Majolu non ha mai organizzato alcuna iniziativa in cui
siano state mischiate scienza e fantasia, perchè pensiamo che quel
tipo di iniziative non aiutino l'emancipazione culturale e sociale
dei sardi ma producano solo confusione, e poichè a nostro avviso
l'autocoscienza del nostro popolo non deve essere fondata su
un passato che avrebbero avuto i sardi secondo miti storici più o
meno inventati.
Qualcuno
ha persino scritto che la conferenza è organizzata da altre
associazioni come Nurnet e che noi siamo solo dei prestanome e
burattini di qualche altra oscura realtà: possiamo assicurare a
tutti che la conferenza che faremo è organizzata unicamente dalla
nostra associazione. Nessuno di noi ha preso parte all'esperienza
di Nurnet e non conosciamo abbastanza le loro iniziative per poter
giudicare se tutte siano state realizzate da persone che hanno la
preparazione scientifica necessaria per farle.
Però
possiamo dire che, se esistono fenomeni di grande diffusione slegati
dal mondo scientifico, la ragione è che in ampi settori della
società sarda esiste l'esigenza oggettiva di conoscere meglio la
storia e la preistoria di questa terra: un bisogno che forse gli
studiosi accademici non sono riusciti a soddisfare utilizzando i
mezzi multimediali, grafici e linguistici più appropriati.
Per
fortuna esistono archeologi che hanno la preparazione e i titoli
scientifici e che stanno portando avanti un bel lavoro di
divulgazione, per rispondere a questo bisogno: uno fra essi è Nicola
Dessì, che verrà a parlare in lingua sarda della
Sardegna prenuragica all'Università.
Il
direttore del Dipartimento di Storia, Scienze dell'Uomo e della
Formazione dell'Università di Sassari (l'archeologo Marco Milanese),
prima di autorizzare questa conferenza ci ha chiesto di poter avere
il curriculum scientifico dell'archeologo che parlerà. Dopo averne
preso vision e ha giudicato che tale iniziativa ha il diritto di
essere realizzata all'interno dell'Università come attività
autogestita degli studenti e destinata ad essi.
Pubblichiamo
anche quì il suo curriculum, domandandoci se le male lingue che nei
giorni scorsi hanno gettato fango su di lui e su di noi, possano
vantare un'esperienza, un impegno e una preparazione scientifica
uguale alla sua. Forse si o forse no, ma noi sentiamo troppo forte il
tanfo dell'odio verso l'utilizzo del sardo e vediamo che
qualcuno si nasconde dietro la questione dei titoli.
Qualcuno
è arrivato fino al punto di scrivere che l'Università non deve
spendere soldi per una conferenza come quella che stiamo
organizzando. Anche questa è una calunnia: non solo non abbiamo
chiesto nemmeno un soldo per questa conferenza, ma negli ultimi
due anni abbiamo deciso di non chiedere i finanziamenti che
l'Università mette a disposizione per le attività autogestite degli
studenti, anche perchè ci sembrava brutto usare quei soldi nel
mentre che a volte l'ateneo turritano non riesce a garantire i
servizi minimi per gli studenti. Dunque le spese di tutte le
iniziative che facciamo (in questo caso poche decine di euro) le
pagano i soci autofinanziandosi, per quanto questo possa risultare
difficile ad un'associazione studentesca.
Rinnovando
l'invito a tutti gli studenti dell'Università di prendere parte alla
conferenza del 22 ottobre alle ore 11:00 in aula Q, lasciamo i
calunniatori alle loro tristi occupazioni.